Bidean, aurrera begira

Erabiltzailearen aurpegia

Ezagutzen nauenak badaki historiazale amorratua naizela. Nire pasio handienetakoa da historia, Antzinarotik hasita gaur egunera arte. Unibertsitatean ere historiaz eta diakroniaz ziharduten gaiak ikasi nituen gogo bizienaz.

Hala ere, beti iruditu zaizkit xelebre samarrak iraganaren mitifikazioak, eta historian zenbat eta gehiago sakondu, orduan eta arrotzago bihurtu zaizkit. Uste dut, gainera, itxaropen txikiko garaietan direla erabiliak iraganeko gertakarien inguruko kondaira epikoak. Nolabait, gaurkotasun zatarretik ihes egiteko lobelarra dirudite gehiago, oroimen ariketa baino.

Horregatik, aspaldiko erresumen inguruko nostalgia politikoak apur bat kezkatzen nau. Historian gaurkoak bezalako erronkak inoiz ez ditugu izan: kapitalismoaren gainbehera, suntsipen ekologikoa, hirugarren mundu gerraren itzala, Euskal Herriaren gainbehera politikoa… eta soilik gazteria kementsua buru duen proiektu batek erantzun diezaieke, paradigma aldaketarako abagune historikoaren hasieran gaudelako, eta ezin garelako geratu Ertaroko aurri erromantikoei begira, gure aurriak izan arren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.