Oraingoan, gazteen berezko ekintzailetasunaz eta eraldaketarako gaitasunaz ari naiz. Baita, zelan ez, nire gai gogokoenaz ere: euskal politikaz.
Nire ustez, nahiko ukaezina da Euskal Herriko askapen mugimenduaren historia zikloka dagoela idatzirik, oso grosso modo: karlistadak, gerra aurreko eta gerrako PNV/ANVren aroa, ETAren aroa… Bakoitza hasi, loratu eta apaldu egin da, azkenean bere potentzialitate askatzaile, iraultzaile edo, besterik gabe, eraldatzailea galduz; gure herriaren historia sakon markatu eta aurreko aroa zorrotz kritikatu ostean, bakoitzak bere erara.
Beraz, zer ari da gertatzen orain Euskal Herrian? Bada, ziklo berri batean ari garela sartzen berriz, ongizate estatuak eta kapitalismoaren etengabeko hazkundearen mitoak pixkanaka lurra joko duten aroan. Eta aro hau ezaugarritzeko, Euskal Herriko gazte sozialisten sareak ikusten ditut ezinbesteko ekimen, antolaketa eta indarrez hornituak.
Bejondeiela, benetan!
