Pandemia garaian beldurra zabaldu da, eta beldurra ez da aholkulari onena. Beldurtuta gaudenean, babesa eskatzen dugu, eta gure balizko segurtasuna arriskuan jartzen dutenei norbaitek egurra ematea, ahal bada. Kontua da arriskua sortzen dutenak seinalatzean beti dela errazena jo-puntuan ipintzea heldu aburgesatuak baino posizio ahulagoan dauden gazteak.
Eta nik horixe ikusten dut gazteen kontrako mezuen eta poliziaren jarrera erasokorraren atzean: koldarkeria bihurtutako beldurra. Koldarkeria salatari eta biolentoa. Benetako erantzukizuna dutenengandik fokua aldentzeko amarrua.
