Klima, negozio

Erabiltzailearen aurpegia Josu Zugasti 2019ko abe. 20a, 07:36

Harrigarria da kapitalisten gaitasuna edozein kausa txalogarri negozio bilakatzeko, kontraesanik handienei larru sendoena erakutsita. Ia barregarri iruditzen zait EAEn agintean dagoen alderdiko arduradunak AHTa, Errauskailua… eraiki bitartean, Klimaren Gailurrean egotea Madrilen, kezka aurpegia ipiniz; hainbat enpresari potolorekin batera. Esperpentikoa da, eta ziur abagunea baliatuko dutela beste makroproiektu bat negoziatzeko.

Bitartean, EITBn, tarterik garrantzitsuenak klimari eskaintzen dizkiote, beti urrutiko irudiak ipiniz; Amazoniako sute bat edo… Gure herrietako porlanaren masifikazioa, ostera, ahaztu egiten zaigu. Zenbat autobide, AHTarentzako zenbat azpiegitura eraiki dira azken hamarkadetan? Zenbat plan urbanistiko jasangaitz egin dira –Gasteizko hezeguneen suntsipena, adibidez–? Euskal eliteek euren buruaren propaganda egiteko erabiltzen dute eurek sortutako arazoen inguruko postureoa, hedabide handiak lagun.

Ez dago besterik: planeta zaintzeko, sistema aldatu behar da, ez makillatu. Ekonomia eta kontsumoa planifikatuko dituen sistema bat behar dugu, eta sistema horrek izen bakarra du: sozialismoa

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak