1815ean, Napoleon egurtu ostean, Prusiak, Errusiak eta Austriak liberalismoa desagerrarazteko aliantza absolutista bat sinatu zuten. Erregimen Zaharraren pribilegioak mantendu eta absolutismoaren etorkizuna bermatzeko. Espainia, Frantzia, Eliz Estatuak eta Siziliako erresuma absolutistak pozarren batu zitzaizkion elkarte erreakzionario berriari. Hainbat urtez, Europako elite monarkikoek elkar babestu zuten, eta interbentzio ugariren bitartez, iraultza liberalak zapaltzen ahalegindu ziren.
2017an, Europan aliantza berria daukagu: burgesa, neoliberala eta unionista: Europar Batasuna. Aurrekoak baino makillaje landuagoa du; parlamentarismoa, merkatu librea, konstituzionalismoa... Baina berdina da, funtsean. Funtsean, elite ekonomiko-politikoen txiringito bat baino ez da.
Kataluniaren bide demokratiko eta baketsuek Europar Batasunaren oniritzia jasoko zutela uste zuten askok, baina Rajoy burgesak, Felipe erregeak eta banketxe transfugek jaso dute. Hori bai dela klase-elkartasuna!
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
