'Je suis la manipulation'

Erabiltzailearen aurpegia

Zorabiatu egiten gaituzte komunikabideek eta politikariek euren mezu errepikakor eta sinplistekin Pariskoa bezalako zerbait gertatzean: Europari erasotzea askatasunari erasotzea da; III. Mundu Gerran murgilduta gaude; Arriskuan gaude nonahi; Gure gehiegizko askatasuna baliatzen dute terroristek...

Zorabiatu egingo gaituzte pakistandarrek kebaba egiteko erabiltzen duten labanarekin burua moztuko digutela sinetsi arte eta kontrolek, kamerek, espioitza digitalak nahiz entzuketek askatasuna dakartela irentsi arte.

Horregatik, inportantea da burua hotz mantentzea eta historia errepasatzea: 1917an Siria Frantziaren kolonia bihurtu zen –fusilamenduak, bonbardaketak...–; 1948tik Frantziak Israel babesten du militarki eta politikoki, arabiarren aurka; 2001ean Frantzia Afganistanen sartu zen; 2011n Libian sartu zen Gadafi presidente laiko eta antisionista botatzeko; 2012an Siriako islamistak armatzen eta finantzatzen hasi zen Al-Assad presidente laiko eta antisionista botatzeko; 2014tik Estatu Islamikoa bonbardatzen du Iraken –Sirian ez, Al-Assad izorratzeko–; aste honetan Al Raqqa hiriari eraso dio...  

Beharbada, diot nik, Frantzia bere kabuz sartu da gudan eta, orain, europar zuriok jainko ukiezinak ez garela ohartu gara. Beharbada, arazoaren zuztarretara jotzeko ordua iritsi da.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete