Eta argi geratu da, askotan, hitzoi zentzua eta mamia falta izan zaiela maiz. Horregatik, distantzia nabarmena izan dut beti hitz hauekiko –ez ekintzekiko–. Hala ere, azken urteetako bideak argi erakutsi digu zentzuz betetako harremanek eta ekintzek hazi bat ereiten dutela eta inguruak laguntzen badu, hori loratu egiten dela.
Oñatin, Irazanen ikusi dugu hori: behinola ereindako haziak bospasei antzerki talde/proiektu loratu ditu, besteak beste. Debagoienean ere, antzerki arloan, haziak erein ditugu aurten, eta loratuko dira. Imajinatzen duzue horrelako zerbait, baina kultur esparru zabalera eramanda? Debagoieneko proiektu kultural zabal bat? Sortzaile eta artistok elkarrekin lan egitea.
Hasierako hitz horiek denak duintasunez, zentzuz eta mamiz betetzea?
