Garai nahasiak dira eta garai nahasiak datoz; nahastuta gaude. Batzuetan, egiten dugun umoreak hautsak harrotzen ditu. Jendea haserretu egiten zaigu eta gogora ekartzen digu umorea behetik gora egin behar dela. Hori egin du bufoiak mendeetan zehar; herriaren defentsan pribilegiatuei eta boteretsuei behin eta berriz gogora ekartzen zien besteak bezalakoa zela: humanoa, hutsala, herritarren tamainako beste mokordotxo bat munduan. Herriaren heroia zen, umorez denak berdintzen baitzituen salbuespenik gabe.
Orain, ordea, nago herria ez ote den herritik aldendu eta pribilegiatu eta boteretsuen bandora pasa oharkabean. Izan ere, edozein bufoik umorez gogora ekartzen duenean denok berdinak garela eta ezer ez dela beste ezer baino garrantzitsuagoa, molestatu egiten du, deseroso sentiarazi...
Lehen, errege ofendituak hil nahi zuen; baina orain, herriak hil nahi du bufoia. Atera kontuak!
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
