Hari bat du zintzilik globoak, baina geroz eta abiadura handiagoan joan doa, hodeien artetik, galdu egiten den arte.
Arineketan doa gaztea haserretu berri den bere lagunaren atzetik. Oihu egiten dio gelditzeko esanez, baina honek ihes egiten du, geroz eta azkarrago, kale kantoian desagertu egiten den arte; ez du berataz ezer jakin nahi.
Lasterka doa heldua bere iraganaren atzetik, okertutakoa zuzentzeko asmoz. Baina arrapaladan, denbora aurrera doa eta iragana geroz eta urrutiago... eta frustrazio horretan hiltzen da joana bere begien artean.
Baina gaur Korrika doaz guztiak komunean duten ametsaren atzetik. Helmugak bide luze bat dauka atzetik, baina helburua argia da eta globotxoa, laguna eta iragana ez bezala, helmuga ez da lekutik mugituko.
Are gehiago... helmuga euren zain dago.
Gure zain dago. Astelehenean… denok Korrikara!
