Bolada ona txartel mankomunatuarentzat ere?

Erabiltzailearen aurpegia

2018/10/26ko 168. zenbakidun Puntua-n Iñaki Ugarteburuk aipatzen duen Bergarako Kirol Zerbitzuaren datu onen harira, zoriontzeaz aparte, proposatu nahiko nuke txartel mankomunatuaren berrezarpena –edo ahalegina, behintzat–, berak desio bezala, aipatu datuek goranzko joera mantendu dezaten.

Ze, bere idatzian, goranzko joeraren hainbat arrazoi posible aipatzen dituen arren, nik oraindik, eta badira dagoeneko hiruzpalau urte, ez dut txartel mankomunatua bertan behera uztearen aldeko arrazoi pisuzko bakarra ezagutzen. Nahikoa izango nuke hiritarren onura aintzat hartzen duten argudioetan oinarritutako azalpen laburra.

Bestetik, nire inguruan, galdetuta ere, ez dut txartel mankomunatuaren kontrako iritzirik jaso, eta bai, ordea, aldeko dezente, eta beti, berau bertan behera uztea galera izan den ustea.

Gauzak honela, eta bestelako arrazoirik ezean, ezingo diot utzi pentsatzeari benetako arrazoia gure agintarien arteko ika-mikak izan zirela: handiena zeinek ote, alegia –kiroldegia, noski–.

----------

Julen Alberdi Urriategi

Bergara

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.