Errefuxiatuen drama

Erabiltzailearen aurpegia

"Irudika orain zuen buruetan errefuxiatu errukarriok, beren umetxoak bizkarrean hartuta, miseriaren ekipaia lurretik arrastaka, kostaldeko portuetan igarobide bila datozela...

... Eta zuek bien bitartean errege, zuen gutizien besaulkietan, zuen iritzi eta argudioen apainduraz, haien aurka orroka, aginpide oro kikilduta. Zer lortuko duzue horrekin, bada? Esango dizuet: ozarkeri eta gogorkeriaz justizia oro apurtzea, zuzenbidea deuseztatzea.

Demagun ordea Erregek zuen bihozgabetasun hau erruki gehiegiz epaituz, erbestera bakarrik zigortuko zaituztela. Nora joango zarete bada, babes bila? Zein herrik, zuen injustizia ezagututa, emango dizue aterpe? Zoazte Frantziara edo Holandara, Alemaniako edozein lurraldetara, Espainia edo Portugalera, zuen aberrira ez beste edozein lekutara, mundu osoan errefuxiatu eta atzerritar!

Han, edonon, zuen zakarkeria bereko jendeak, gorroto eta bortizkeriaz, bizilekua ukatuko dizue lur-azalean, beren armak zuen aurka apuntatuta, zakurrak lez uxatuta, denok Jainkoaren seme, eginkari eta itxura zaretela ahaztuta.

Horra hor gure errefuxiatuen drama, eta zuen giza gabekeria ikaragarria".

(Shakespeareri egotzitako Sir Thomas More (1596) antzezlanetik egokitua)

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.