Bertan, ea seinale horrek zer diren galdetzen zen. K-82 bezala markatuta dauden bideak Loramendi Euskara Elkarteko toponimia taldeak sortutakoak dira. Talde honen helburua Aretxabaletako historia eta istorioak jasotzea da, baita gaurdaino geratu diren izenak ere.
Lehenengo ibilbidea Aretxabaletako herri-gunean kokatuta dago. Bertan, herriko kale eta eraikin ezberdinen informazioa ematen da. Hurrengo hiru ibilbideak Aretxabaletako auzoetan barna izan ziren. Hauek dira esandako seinaleak dituztenak, azken biak eta lehena ez baitaude markatuta.
Azken bi ibilbideak Kurtzebarri inguruan prestatu ditugu Toponimia taldeak. Iaz txondorra eta txondorgileen inguruko kontuak jaso genituen eta azkena, maiatzaren hasieran egin genuena, Kurtzebarriko haitzen inguruan izan zen.
Ibilbide hauen guztien inguruko liburuxkak Loramendin ditugu; beraz, argipen edo informazio gehiago nahi izanez gero jo lasai guregana.
----------
Josu Retolaza
Aretxabaleta
