Gaztelera ez jakiteko eskubidea

Erabiltzailearen aurpegia

Espainiako Estatuko legediak behartzen ditu euskaldun eta katalanak gaztelera jakitera. Baina guraso eta euskaldun naizen aldetik, nire umeak gaztelera jakin ez zezan nahi nuke. Hots, Francoren garaian jazo ziren ikastolak espainiar legearen aurka, eta gaurtik hasita jazo daitezke eskolak eta ikastolak konstituzio legearen aurka: nahi ez duen euskaldunak eta nahi ez duen baskoak eskubide ukaezina du gaztelera ez emateko eskolan.

Zer dakite madrildar gazteek? Bertako hizkuntza eta nazioartekoa; hots, ingelesa. Zer jakin behar du euskaldunak? Bertako hizkuntza, eta ingelesa agian. Eskubide ukaezina du nerabe batek aukeratzeko eskola eredu bat non ez zaion emango gaztelera irakasgaia, euskal hiritarra den aldetik. Nerabe eta gazte asko deseatzen daude irakasgai hura ez emateko, eta gehiago sakontzeko euskaran eta ingelesean. Legeari begiratu gabe, desobedientziaz hasi beharreko borroka da gaztelera irakasgaia ez eskaintzen hastea. Nahi duenak hautu hori izateko askatasuna izan dezan. Hemendik 200 urtera euskara eta ingelesa hitz egingo direla Euskal Herrian? Eta galduko dela gaztelera?

----------

Jon Otero Uribarren

Arrasate

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.