Lehena: alderdi abertzaleek izan beharko lukete beren izena euskaraz bakarrik.
Bigarrena: EAJ/PNVren buruek, asko ez dela, proposatu zieten nazionalista-ren ordez, jarraian, aurrerantzean, nazional izatea. Oinarriek ez zuten onartu nahi izan.
Hirugarrena: Eusko edo Euzko beharko luke izan? Euzko dator eratorria Eguzkiko-tik. Nola ez, Sabinoren asmakizun bat. Eguzkiaren semeak, euskal arraza bera. Beraz, Euzko da euskal arrazako kidea. Euzkadi bera ere bada Euzkotarren aberria. Auskalo abizenak nondik datozen, Adan eta Evatikan, edo... auskalo.
Gauza da karnetik ez zegoen garaietan abizen aldaketak sarri egongo zirela, nik pentsa. Gaur egun ere amaren abizena jarri dezakezu lehena, hala nahi baduzu. Kanpotik etorri bazara eta euskara ikasi baduzu, eta anitz erabiltzen baduzu berau, euskal psikea izateko bidean zaude, euskal arrazaren nortasuna. Izan ere, arrazaren nortasuna ze hizkuntza erabiltzen duzun arabera doa.
----------
Jon Otero Uribarren
Arrasate
