Eskatutako dokumentazioa bidali nuen, eta handik astebetera mezu bat jaso nuen esanez bezeroentzako arreta zerbitzura deitzeko. Deitu, eta esan zidaten ezgaitasun-ziurtagiria eta lan-bizitzaren agiria falta zirela.
Webgunearen helbidea eman zidaten, baina ez daukat ordenagailurik; hortaz, telefono zenbaki bi eman zizkidaten.
Deitu, deitu, eta ezer ez, ez dute hartzen. Baina beti bideratzen zaituzte webgunera. Ze majoak…
Azkenean, Eibarrera joan nintzen, eta atezainak – gaztelaniaz–, ea ordua hartuta neukan...
Esan nion ez dutela telefonorik hartzen eta Internetik ez daukadala; beste zenbaki batzuk eman zizkidan eta... hor konpon!
Mesedez eskatu nion nire ezgaitasun-ziurtagiria eraman zutenei fotokopiak ateratzeko, eta kito. Bada, ez. Berriro jaso nuen mezua, ondo ez dagoela esateko. Eguneratuta egon behar duela. Ez da egia izango!
Irailetik hona, ez da ezer aldatu. "A… berdin dit, eguneratuta behar dugu". Eta, nola ez, bideratzen naute webgunera; benetan jatorrak...
----------
Josune Garitaonandia
Bergara
