Osasun publikoaren izenean, etxean eta, asko jota, herrian geratzera behartuta gaude oraindik ere. Eta nahiz eta guztiok normaltasunera itzultzeko gogoa dugun, ez dut uste egoera lehengora itzuliko denik. Ukaezina da COVIDak krisi ekonomiko sakon batean murgildu gaituela: enpresa txiki askok ateak itxi dituzte, ostalari eta kultur eragileek bereziki; handiagoek plantilla murriztu dute, eta langile asko erte ospetsu honetan zintzilik daude; eta enpresa oso handiak direnak are handiago egiten ari dira.
Sistema kapitalista zaharkitu honek aberastasunaren zentralizazioa eragiten du bere krisi ziklikoekin; eta oraingoak COVIDak bultzaturiko gizartearen digitalizazio derrigortua dakar bizkarrean. Honek diru fisikoaren amaiera eta produktuen fabrikazioaren automatizazioa ekarriko du gutxika-gutxika, eta hori autonomia galera izugarria da herritarrontzat.
Gizarteak ezagutu duen kontrolik basatienaren atarian gara, eta ez gara ohartu ere egin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
