Gure egunerokotasunean galduta, askotan ahazten dugu dena elkar lotua dagoela, denok baikatoz toki beretik, eta oreka natural hau mantentzea, beraz, gure biziraupen propioaren oreka bermatzea litzateke. Askotan ez dugu kontuan gure erosotasuna lortzearren nolako sarraskiak egiten dizkiogun ingurumenari, landare, animalia eta ekosistema ezberdinak suntsitzetik, gizakion arteko gerrak eragitera. Eta zertarako? Urtero mugikor berri bat izateko; armairua erabiltzen ez dugun arropaz betea edukitzeko; eta gure egoa sartzeko nahikoa handi diren etxeak erosteko.
Ondo irakatsiak bere fruituak ematen dituen bezala, ondo ikasiak ere bere fruituak emango ditu. Horregatik, eskerrik asko aitona-amona guztiei, eskerrik asko zuhaitza, sustrairik gabe, erori egingo dela irakastearren.
Lurra, hazia, zuhaitza eta sagarra; sagarra, hazia, lurra eta zuhaitza.
