Nor naiz? Zer naiz? Zer izan nahi dut? Izan nahi dudana naiz? Ala ez? Zein da nire helburua bizitzan? Akaso, badut helbururik? Izan beharko nuke? Ala helburua ez da helmuga bat, bidea baino? Zoriontsu naiz? Zer da zoriontsu izatea? Izan naiteke zoriontsu? Ala momentu zoriontsuak bakarrik izan ditzaket? Hala balitz, nola lor ditzaket momentu zoriontsu horiek?
Horrela jarraituz gero, gaur ere nekez hartuko dut loa. Galdera gehiegi eginak dizkiot nire buruari jada, eta lorturiko erantzunak, aldiz, urriak dira. Haurtzaroko inozentziaren epeltasunetik irtetetik, galdera existentzialista sorta zabal batekin bizitzera behartua sentitu naiz ezinbestean, eta, momentuz, ezin izan dut nire burua laino ikusezin honetatik aldendu. Baina erantzun batzuk lortu ditut, bide lauso bat trazatzen duten erantzunak.
Badakit ez dudala helbururik bizitza zukutzerik baino, badakit mundua ederra bezain bortitza dela, eta datorrena datorrela inoiz ez dela irribarre egiteko gaitasuna galdu behar, eta badakit kontzientzia garbi izateak ez duela preziorik. Eta hori jakitea nahikoa da gauerdiko kezka guztiak ezabatu eta hurrengo eguna irribarre batez hasteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
