Askok galdetuko dute merezi duen ala ez bozkatzea hauteskunde hauetan, eta erantzuna beti da bai.
Bai, gure botoak bizi garen mundua aldatzea eragin dezakeelako. Bai, gure botoak kezkatzen gaituzten gaiei buruz erabakitzeko aukera ematen digulako. Bai, gure botoak erabakitzen duelako Europar Batasunaren etorkizuna. Bai, gure botoak erronka globalei aurre egiteko balio duelako. Bai, gure botoak demokrazia defendatzeko balio duelako.
Bozkatzen ez badugu, ezin dugu etorkizunaz erabaki. Gainera, zenbat eta pertsona gehiagok bozkatu, orduan eta indartsuagoa izango da demokrazia, lorpen kolektiboa baita, erantzukizun partekatua, eta denok dugu zeregin garrantzitsua.
Gure botoak erabakiko du zein diputatuk ordezkatuko gaituen Europar Batasunak gure etorkizunari, legeei eta eskubideen defentsari buruz hartzen dituen erabakietan. Europar Batasunaren etorkizunari, Espainiari, Gipuzkoari eta Arrasateri buruz denok erabaki dezakegun une paregabea da.
