Protestak, aldarriak, ikusi ditugu bide bazterretan, Israel Premier Tech taldearen parte-hartzea salatzeko. Protesta hauekin guztiz agerian gelditu da antolakuntzaren indarra nolakoa den, baina, era berean, agerian utzi ditu epelkerian goxo bizi direnak ere. Izan ere, isilik gelditzea, beste alde batera begiratzea edo protestarako une eta forma egokiaren zain egotea ere norbaiten alde jokatzea da; kasu honetan, Estatu Sionistaren alde.
Palestinaren alde egotea, baina, ez da soilik genozidioa gelditzeko exijitzea. Zer pasako da genozidioa gelditzean? Bere lur eta eskubide guztiak ebatsi dizkioten herri kolonizatu bat besterik ez da geldituko. Palestina defendatzeak bere erresistentziarako eskubidearen alde egitea ere badakar, eta argi izan behar dugu, Palestina biziko bada, Israelgo proiektu kolonialistak desagertu egin behar du, ez dago tarteko aukerarik.
Horregatik, gaur, inoiz baino gehiago, antolatu beharra daukagu. Palestinako genozidioaren kontra eta lotzen gaituzten kate guztien kontra. Gora palestinar erresistentzia!