Alokairuen prezioak %76 igo dira bederatzi urtean, eta badirudi Bergaran etxe berri bat erosi nahi duenak 450.000 euro ordaindu behar dituela...
EAEn, 30 urtetik beherako gazteen emantzipazio-tasa %16,3an kokatzen da, eta, horien artean, %29 dira bakarrik bizi direnak. Asko dira bakarrik bizi ezin dutenak, eta, askotan, logelak alokatu behar izaten ditugu prezio izugarri altuetan. Etxebizitza bat erostea, berriz, ia ezinezko bihurtu da. Horrez gain, politikari profesionalek sortutako ezinegona beraien interesen alde erabili dute, enpresari eta etxejabeen mesederako hartutako neurriak neurri sozial gisa aurkeztuta. Egoera hori aldatzeko, antolakuntza eta mobilizazioa beharrezkoa da. Horretarako, Euskal Herriko Etxebizitza Sindikatu Sozialistak apirilaren 5erako Donostian deitu duen manifestaziora joateko dei egiten dugu, guztiontzako kalitatezko etxebizitza doako baten alde.
Etxebizitzaren negozioari ez! Apirilaren 5ean Donostiara!