NATOren interesak daude eraso honen atzean; Ekialde Hurbilaren kontrolerantz pauso bat gehiago litzateke Israeleko estatu sionistaren ezarpen totala. Egoera honetan, Israel armaz hornitzen ari den PSOEri doako babesa eman dion Ezker Abertzalea elkarrizketa politikoaz ari zaigu, bi "bandoen" bonbardaketak berdinduz, Palestinako herriari "elkartasuna" adieraziz. Espainiako gerra aurrekontuak babestu, eta ostean arma horien krudela sufritzen duenari elkartasuna erakustea baino hipokritagorik ez dago.
Gaurdanik dagokigu, hitzezko elkartasun antzuez harago, basakeria honen erantzule diren estatu inperialistei aurka egitea, mundu mailako alderdi komunista iraultzailearen eraikuntzan gure aletxoa jarriz. Gaurko amorrua eta inpotentzia kapitalismoari aurre egingo dion antolakuntza iraultzaile bihur dezagun.
