Gizartearen eguneroko egoerari erreparatzean, alderantzizkoa da ohikoa. Horren bilakaeran nagusi eta irabazle sistema politiko kapitalista eta inperialista izan da, eta haren helburua etekin ekonomikoa da. Sistemak martxan jarraitzeko behar dituen bitartekoak dira pertsonak.
Zapaldutako pertsonen artean daude emakumezko, gizonezko, gazte eta zahar... Pertsonari buruz aritzean, gainera, bakoitzak kultura eta hizkuntza desberdinak eduki ditzake. Eta sistema inperialista hori kolonizatzailea izanik, menpeko kultura eta hiztunak baztertuak dira.
Euskal Herrian ohikoa da hori ikustea, auzitegien bidez sistemak euskal hiztunen bazterketa bultzatuz hartzen dituen erabakietan. Jakina, estatu kolonizatzailearen legeen arabera gauzatutako auzitegiak dira. Ezer gutxi axola die menperatutako pertsonen bizitzak.
