Garai hartan, jendarte ekimen ugari zeuden: UEU, Ikastolak, kantagintza eta bertsolaritza berria, kooperatibagintza, Euskal Herriko Laborantza Ganbera, AEK, herri aldizkariak...
Mugimendu haiek jendarteak bizi zituen beharrei aurre egin eta garatzeko ekimenak ziren. Organizatutako herritarrek euren beharrei erantzuna bilatzeko proiektu propioak sortu eta konponbide eraginkorrak eraikitzeko duten gaitasuna adierazten dute.
Ingurune hartan, Unibertsitatearen funtzionamenduarekiko ardura sortu zitzaidan. Bide hartan topatu nuen UEU, euskaraz ziharduen unibertsitatea. Euskal nafarron deskolonizazioa gauzatzeko pentsamendu kritikoa garatzen eta eragiten duen unibertsitatea da UEU.
Haren jardueraren helburua ulertzeak bultzatu ninduen bazkide egin eta UEUkide egitera, aldi berean bere jardueran parte hartu eta garapena bultzatuz.
