Jokalari eta entrenatzaile bezala egon nintzen hiru taldeek beraien ordezkaritza bidali zuten: Bergarak, Realak eta Eibarrek. A Ze Flaxa taldekoak ere bertan egon ziren, mutiko pila… Eta nola ez, jokatu ziren futbol partidak ikustera bertaratu ziren herriko lagun ugari eta senitartekoak.
Mila esker bazkaltzera etorri zineten guztioi. Bereziki, antolakuntzan aritu zineten guzti-guztioi eskerrak eman nahi dizkizuet: partidak, opariak, abestutako eta dantzatutako aurreskua, bazkaria… a zer-nolako omenaldia! Ez zen ezer falta izan! Eguraldia ere bikaina izan genuen! Jabetzen naiz hainbeste ekintza eta hainbeste jende antolatu eta koordinatzeak lan handia eskatu duela, eta lan hori egiten jende asko egon dela. Ez dut izenik eman nahi, ez dudalako inor ere ahaztu nahi; horregatik, bejondeizuela! Zoragarria eta hunkigarria izan zen.
Bihotz-bihotzez, mila esker.
----------
Jesus Mari Larrañaga Biain
Bergara
