Goi karguak eta herritarren heziketa

Erabiltzailearen aurpegia

Ikusi dut Ipar Amerikako buru dan Trump harro asko bere herritarrei esaten bere eskuetan dagoela "bonba guztien ama" dena.

Hori gutxi balitz, baita bota ere Afganistanen, 100 bat lagunen heriotza lortuz. Gutxiago ez izateko, Putin errusiar buruak esan du bere armategian dutela "bonba guztien aita", eta honek ere izugarrizko suntsiketa egiteko gaitasuna duela. Hurbilago, guztiok jakin dugu Blesaren eta Ratoren epaiketaren emaitza, diru kantitate dezente euren poltsikoetara desbideratzeagatik "txartel beltzen" jokoarekin. Epaiak errudun sententziatu ondoren, nola izan daiteke Auzitegi Nazionalak espetxetik libre uztea biak? Eta zergatik? Euren portaera prozesala erabat zentzuduna izan delako.

Eta nire galdera da, zer ikasten du herriak horrelakoekin? Pertsonak hiltzea beharrezkoa dela? Dirua lapurtu arren eta fiskoari iruzur egin arren, ondoren epaiketako portaera zentzuduna bada, nahiz lapurtutakoa ez itzuli, ez dela ezer pasatzen? Bitartean, gure ikastola, eskola eta unibertsitateetan maisuak saiatzen ari dira behar dan formazioa ematen. Zenbait ordu beharko dira horrelako egoera bat zuzentzeko?

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.