Horra, nire ikasle adingabeen mugikorren arduraren baloiak forma hori hartu du. Altxa Burua ekimeneko partaide bazara, ulertuko duzu, eta babesa emango didazu. Baina, zoritxarrez, guraso batzuk ez dira zu bezalakoak, eta seme-alabak sakelakoarekin eskolara bidaltzen dituzte. Guraso horiena da armairu forma hartu duen baloia, eta nire ikasleen gailuak giltzapetzen ditut han; izan ere, debekatuta daude. Orain, armairu horretako gailuren bat desagertzen bada, erraz topatuko dute zenbait gurasok erantzulea: ikastetxea edo irakaslea.
Nik bestela pentsatzen dut, eta Altxa Burua ekimeneko partaide izanez gero, hau ere erraz ulertuko duzu, zorionez. Adingabeei mugikorra libre uzten dieten gurasoak dira gailu horiekin gertatzen denaren erantzule, eta ikastetxeen teilatura jaurti dute ardura horren baloia. Edo, tira, gurean, armairura.
