Euskaraz, berriz, lider deritzegu, gida ditzaketen taldeak bezain anitzak izan ohi direlarik, eta anitzak bezain ezinbestekoak.
Bi talde handitan bereiz daitezke aipaturiko lider horiek: positiboak eta negatiboak daude. Lider positiboek, batetik, erabakiak hartu, horien ondorioak onartu eta gauzatu egiten dituzte, eurentzat eta taldekideentzat onena dena lehenetsiz. Noski: gutxi dira. Lider negatiboek, ostera, haien taldekideak erabili eta gutxietsi egiten dituzte, euren burua ingurukoenaz gaindi ezartzeko edo lagun gutxi batzuentzat onurak eskuratzeko asmoz.
Zoritxarrez, gaur egungo politikaren arloan, bigarren tankerako liderrak nagusitu dira erabat, eta ez dago bere kargutik erabat ausartu eta ustez aproposik defendatzen duenik. Kontrara, besteen balizko ideia desegokien edo parte-hartze prozesu hankamotzen emaitza gisa aurkezten dituzte euren erabakiak.
