Hornigai horiek fabrikatzeko, eguzki-energia erabiltzen dute landareek. Halaber, lurzorutik, adreiluak eta gasolioa ekoizteko lehengaiak hartu behar dituzte. Hala, gorputzean dugun materia, oinarrian, landareek eguzki-energiari esker eraldatu duten lurzorua litzateke. Energia, berriz, erregai gisa gorde den eguzki-energia.
Azken hilabeteotan, bolo-bolo ibili da eguzki-izpi falta guztion ahotan. Bestalde, ekaineko uholdeak argi ikusarazi zigun euriteetan lurzoru-tona mordoa galtzen ditugula. Aurrerantzean, ziur aski, ikusiko dugu eguzkia, egunero sortaldean jaio eta sartaldean hiltzen.
Alabaina, zertarako eguzkia lehengai-iturri dugun lurzorurik ez bada?
