Harrezkero ere gertatu dira nahita eragindako arrain hilketak; 2013an eta 2018an, baten batek zianuroa isuri zuen eta Osintxu eta Soraluze artean hilik azaldu ziren arrainak. Animatu nahi zaituztet ibaia zaintzera, eta, zerbait arraroa sumatuz gero, 112ra deitu. Adibide bezala, 2014ko maiatzaren 15ean Oñatin gertatutakoa kontatuko dizuet: giza akats bategatik, depositura bideratu beharrean ibaira isurtzen hasi ziren. Eskerrak ibai inguruan zebilen batek azkar ohartarazi zuela arazoaz, eta arrain hilketak saihestu ziren.
Ematen du birusaren kontuarekin krisi ekonomikoa hasi zela, baina ibaiek hobera egin dute; hala ere, Azpeitian, Errezil errekatxoan, arrain hilketak gertatu ziren, lantegi baten sutearen ondorioz.
----------
Josu Garitaonandia
'Oparitu zuhaitz bat' egitasmoaren arduraduna
Bergara