Dinosauroak galantak ziren, baina zerutik eroritako harri koxkor batek desagerrarazi zituen. Zientzialariak zerura begira daude, Lurra planeta inguruan dabiltzan meteoritoak izendatzen eta haien ibilbideak zehazten. Euren esanetan, lan asko dago egiteko, asko baitabiltza bueltaka. Apofis da bat; egiptoarren hondamendiaren jainkoaren izena. Kinielak egiten dihardute, ea ze urtetan eroriko den.
Zientzialariek proposatzen digute oraingo teknologiarekin zer egin dezakegun arriskua gutxitzeko, baina gizarte bezala pentsatu beharko genuke, okerrena gertatuta ere, nola antolatu beharko genukeen heriotza kopurua gutxitzeko: globalizazio antolamendutik kontrakora aldatu beharko genuke. Planetaren zatitxo bat hondamenditik salbu geldituko balitz, ahalik eta produktu gehien ekoiztuko gaitasuna eduki beharko litzateke.
