2011ko martxoaren 11n Fukushimako zentral nuklearrean istripua gertatu ondoren, japoniarren ohiturak aldatu egin ziren; erosten dituzten elikagaien bekereleei erreparatzen diete: elikagai kilo batek duen partikula erradioaktibo kopuruari. Ordura arte, prezioari erreparatzea zen ohikoena. Istripuaren ondoren, autoritateek 500 bekerele dituzten elikagaiak ontzat hartu zituzten, ez zeukaten beste aukerarik goserik pasatu nahi ez bazuten. Azken berrien arabera, 100 bekereletara jaitsi dute muga, baina begi bistakoa da: segurua zero bekerele da.
Galdetuko bagenu Fukushima inguruan zer nahiago duten, energia nuklearra edo berriztagarria, zer erantzungo zuten?
Energia nuklearra erabiltzen duten argindar-enpresei erosten diezu etxeko energia?
Sasoia da kooperatiba energetiko batera aldatzeko; ziurtatzen dizute %100 berriztagarriekin dabiltzala.
----------
Josu Garitaonandia
Oparitu Zuhaitz Bat egitasmoaren arduraduna
Bergara
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
