Lurra planeta zuhaitzak landatuko lituzketen izaki zentzudunen beharrean dago, eta ez bazter guztiak suntsitzen dabiltzan izaki zoroak.
Gabon jaietako kontuarekin, etxe barruan zuhaitzak ipintzen baditugu eta dotore apaindu egun batzuk gozatzeko, ohitura horri jarraipena ematea izango litzateke mendian zuhaitzen bat landatzea gure ondorengo belaunaldiek bizitzeko aukera izan dezaten.
Nire aholkua: landatu ahal duzun gehien, eta disfrutatu zure zuhaitza maskota bat balitz bezala; lan gutxi eta onura asko ematen du, eta, hain zuzen, zuhaitzak dira Lurra planeta ondoen zaintzen duten izaki bizidunak.
----------
Josu Garitaonandia
'Oparitu zuhaitz bat' egitasmoaren arduraduna
Bergara
