Enegarrena; ehundik gora, artikulu berean dioenez. Gehiago ere badio artikuluak: Euskalgintzaren Kontseiluak eta euskalgintzak, oro har, erabakia deitoratu dutela. Eusko Jaurlaritzaren 19/2024 Dekretua dago epaiaren oinarrian. Hasiera batean, zur eta lur geratu nintzen, baina, pixka bat pentsatu ondoren, guztia ulertu nuen –sarkasmoa da, bai–. Eusko Jaurlaritza ez da euskal estatuaren gobernua; espainiar estatuko administrazioaren beste estamentu bat baino ez da, eta aurrera egiteko ezin du espainiar interesen aurka jo.
Bide horretan, Autonomia Estatutuaren 6. artikulua manipulazio eredu ederra da: Euskarak, [...] hizkuntza ofizialen maila izango du Euskal Herrian gaztelaniarekin batera...
Benetan? Espainola bezala derrigorrezkoa da? Euskalgintzak, nonbait, baietz uste du.