Garrantzitsua litzateke gure Estatu legitimoaren sorreraren 1200. urteurrena ospatzea. Ekintza sinboliko indartsua, gure Estatu legitimo hori berreskuratzeko ahaleginak indartzeko. Baina beren burua euskal politikotzat aurkezten digutenek ez dute Euskal Estatuaren alde borrokatzeko asmorik, eta, ondorioz, ezta horrelako ekintza sinbolikoen beharrik ere.
Badakite, ordea, sinboloek garrantzi handia dutela; tartean, euskaldunei ukatzen zaizkigun kirol selekzioak –ezertarako ez liratekeenak gure Estaturik gabe–. Pantaila galantak jarri zituzten hegoaldeko hiri nagusietan Eurokopako finala zabaltzeko. "Euskaldunen interesak" Madrilen defendatzen daudela bururatuko zitzaien ideia: sal diezaiegun espainiar selekzioa, bere estatuarekin, euskaldunen berezko selekzio eta estatutzat.
Bitxia, "euskaldunen interesak" Parisen defendatzen dutenek, oraingoan, jai!