Berdin balio du eguratserako, Gabonei buruz jarduteko nahiz, bai, boto-kutxetara gerturatzeko garairako ere. Guztia batuko da datozen egunotan, baita loteria. Fede-jauzi ariketa bertsua eginda hel dakioke boletoari zein boto-paperari, zori hutsean sinesten duenik geratzen bada inon.
Bat edo beste, ufadak, haize-orratzak nola, hegora begira jarriko gaitu. Madrilera. Sari potoloa, irabazleak eta galtzaileak; banaketa egongo da. Txartel edo paper barik, jokoak guztiok joko gaitu. Haizeak bezala.