Egitasmo hauen helburua, besteak beste, erabilera sustatu eta euskara erabiltzeko aukerak eskaintzea da. Euskara praktikatuz erraztasuna eta segurtasuna lortzen baita, euskaraz egiteko ohitura poliki-poliki errotuz. Asko dira euskara praktikatu nahi dutenen motibazioak: ikasitakoa praktikan jartzea, galdutako ohitura berreskuratzea, euskarazko giroa eta jendea ezagutzea…. Euskalduntze bidean pertsona horien inguru hurbilak sekulako eragina du erabileran, izan ere komunikazio informaletan erabilita eta konfiantza giroan berba eginda errazago lortuko baititu segurtasuna eta jariotasuna. Eta berba-lagun programa hauen bitartez taldean astean ordubetez euskaraz hitz eginda bide hori erraztu nahi da. Animo ba! euskaraz hitz egiteko aukera guztiak aprobetxatu behar dira, hizkuntza bat ikasteko modurik onena berba egitea baita; akatsik gabe hitz egitea denbora eta praktika eskatzen duen prozesu naturala baita. Baina euskararen normalizazioan euskararen erabilera bultzatzea ez da bakarrik euskara praktikatzeko beharra duenaren ardura, gizarte osoaren erantzukizuna baitugu; beraz guztioi dagokigu altxor hau zaindu eta ondorengoei transmititzea.
Euskara praktikatu eta aukerak aprobetxatu! Euskara jakitetik erabiltzera pausua emateko asko izaten dira berba-lagunek izaten dituzten zailtasunak: konfiantza gutxi norbere euskara-maila txikiagatik, dena zuzen egin nahia, entzuleek pazientzia gutxi, zuzenketa asko jasan behar izatea… Bergarako BERRIKETAN, Aretxabaletako BARRIKETAN, Eskoriatzako BERBALAGUN eta Arrasateko ZAHAR BERRI eta honelako egitasmoak oso eraginkorrak izaten dira zailtasun horiei aurre egin eta egunerokotasunean euskara gehiago egiteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
