Bihergiñe zana ganorazkue zan. Jentie biherrea fate zan. Nun jabik biherrien? Urlixa fabrikan; gure tio, esaterako, Ilargixenien. Baserrixen biherrien ez dakit sekule entzun doten, bañe esango zan baitte.
Lanai biherra esate jakon. Neure ezjakinttasunien pentsau izen dot berba hori biherrezkue dan hortatik etorriko zala. Eta biherrezko hori lana zala.
Gauzatu doun mundu hontan biherrezkue aldatu egin dala esango nauke. Biherrezkue kasik lana ez, beste edozer gauza dalakuen nau. Pentsetan jarritte bai, lana biherrezkuen artien jarriko geuke, ez bapatien. Izen be, oingo biherretarako diru-itturririk seguruena izeten jarreiketan dau lanak, lehengo biherrak.
Dena aldatzen da, beraz ez harritu aldatzen banaiz, kantetan dau goxo Inesek.
Billoban bati bere urte egune zala eta gure amak, "zenbat urte egitte dittezu, ba?", galdetuko eutzen. Erantzunen atzetik: "Neuk be euki najittuan", esango euen.
Neu be aldatuixaz, harrapau dot daueneko ama.