Km 0

Erabiltzailearen aurpegia

Urte sasoi honetan bi gizon elkartu zieneko berbak edarto kontetan zittuen Bixentek: "Ai! udazkenak emuten dusten tristurie, antzarrak pasetan, ilundu aguro, gaba luzie…".

Eta bestiek: "Eta udabarrixe hobie dok ala? Kamarie hutsik, txarrixe janda, lanerako egune luzie, hori bai dala tristie". 

Etxien eginddekuaz bizi eta aurrera egitten zan denboratako kontue da, ez euen bertako jeneruen alde egin biherrik.

Gaurko mundu globalizatu honetan kilometruena traba txikixe da, geure kamarie, frigorifikue jakine, beteta eukitteko. Esparrago naparrak edarrak die, baine kanpokuek merkiauek, hemen ganau edarrak hasten die, baine kanpotik dator asko, esnie bertakue badaukou, baine bestie be eskura dau.

Janari ekoizliok kataien azken maillan gazenetik, askotan ulertu ezin dogun soinuaz dantza egin biher izeten dogu. Eskeintzien eta eskaerien arteko orekie guztiz nahastute dau. Geure lana biher dan balixuen jarteko ahalmenik bageuko…

Km 0 kanpainie bertako jeneruen aldeko beste apustu bat da, ekoizliok nun eta zelan lana egitten dogun erakusten dauena. Kamarie beteta ikustie gauza edarra da, lasaitu egitten zau, baitte bertan daukotzune zelakue eta zelan etorrittekue dan jakittiek. Bertakue bada, gainera, zeure ingurue be landu egitten dozu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.