Eguzkiaren Jainko egiptoarra. Punto. Ez galdetu gehiago, ez dakit. Egiptologoek kenduta, inork ez daki.
Badago giza espezie euskaldunetik harritzen nauen beste kontu bat: denek ezagutzen dute errealitatea albistegietako titularren bitartez. Galdetu-galdetu, izango dute iritziren bat.
Azaleko ezagutza bat izatera mugatzen gaituzte albistegiek, eta ezagutza ahul horretatik abiatuta iritzi bat izateko eskatzen digute. Zer uste duzu honetaz? Eta besteaz? Baina zure informazio-iturri bakarra albistegietako lerroburuak dira, edo, are, Tiktokeko minutu laburreko bideoak.
Horrek esan nahi du gure iritziek iturri bakarretik edaten dutela, baina, halere, harro esaten dugula: "Hau horrela da, informatu egin naizelako". Nola esan... garai hauetan, eguerdiko albistegia ikustea informatuta egotearen ilusio optikoa besterik ez da.
Onar dezagun: ezinezkoa da orojakileak izatea eta gauza denen inguruan iritzi sofistikatu bat izatea. Ra nor izan zen jakitearekin ez da nahikoa; informazioa kontrasta ezazu, kuriositatearen bonbilla piztu, eta ez zaitez hain gutxirekin konformatu.