Txapeltxinek 10 urte

Erabiltzailearen aurpegia

Aurten ere badatoz Aratusteak, Aretxabaletan urteko egunik politenetarikoak direnak.

Jakina da aretxabaletarrok modu berezian bizi ditugula egun hauek, gazte eta ez hain gazteok ilusioaren mozorroa janzten dugu eta jai parte-hartzaile eta alaia ospatzen dugu denok batera.

Karnabalen lagunok orain dela 10 urte ekin genion Aratusteak gainean genituela-eta Txapeltxin jaia antolatzeari. 

Ordutik, gure lagun berdea etxeko txikienen eta parrandazaleon lagun handi bilakatu da eta bada garaia hau horrela izateko lehen pausoak gurekin batera eman zituztenak omentzeko, Azpigarri eta Zelabaixota kuadrillak eta, nola ez, zu, Iñaki, zure lan egiteko modu eta ilusioa izan da guretzako irakasgai onena. Horregatik, bihar, otsailak 18, herriko plazan merezitako omenaldia jasoko duzue. Guk lanean jarraituko dugu Aratuste-domekero barruan daukagun guztia emanez eta Txapeltxinek gutxienez 100 urte gehiago bete arte!

Gora Karnabalak!

Gora Txapeltxin!

----------

Ibai Zangitu

Atxabaltako Karnabalen Lagunak

Aretxabaleta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.