2018. urtean, Euskal Autonomia Erkidegoko administrazio publikoek 280.985.328 euroko gastua kitatu zuten kirolean. Zati handiena, %81,9, udalek egin zuten, aldundiek %12,1 eta Eusko Jaurlaritzak %5,9.
Udalen artean, 5.000 biztanle baino gutxiago dituztenek, batez beste, udal aurrekontuaren %12 gastatu zuten kirolean; 5.000 eta 100.000 biztanle dituzten udalek, batez beste, %6 eta %7 artean; eta 100.000 biztanletik gora dituztenek %3,1 gastatu zuten kirolean.
Aldundiek beren aurrekontuaren %0,2 gastatu zuten kirolean eta Eusko Jaurlaritzak, %0,1.
Nabaria da udalen eta beste administrazioen arteko aldea. Garbi dago udalen apustua askoz ere handiagoa dela; udal txiki eta ertainek, proportzioan, askoz gehiago inbertitzen dute handiek baino.
Kontuan izanik kirolak dituen onurak, nahikoa iruditzen zaizue kirolean gastatzen den dirua?
Kirolak baliabideak behar ditu; herritar aktiboen kopurua handitzeko sustapen programak, txartel bateratua, ekipamenduetarako finantzazioa, eskola kirolerako eta kirol federaturako laguntza gehiago…
