76 urte dira Giza Eskubideen Aldarrikapen Unibertsala onartu zela, lehenengoz gizakion oinarrizko giza eskubideak mundu osoan zehar ezarriz. Baionarrak paper garrantzitsua izan zuen, aldarrikapenaren idazle nagusienetako bat izanik. Hala jaso zuen Nobel saria, bakearen, justiziaren eta giza eskubideen alde egindako lanagatik.
Aldarrikapenak hauek jasotzen ditu: gizaki guztiak aske eta berdin jaiotzen garela; pertsona guztiak berdinak garela, arraza, sexua, hizkuntza, erlijioa, ideologia edota jaiolekua edozein dela ere; baita norbanako guztiek dugula bizitzeko, aske izateko eta segurtasunerako eskubidea ere.
Dudarik gabe, oraindik ere gaurkotasun handia duten artikuluak dira hauek, bakarrak ez badira ere. Horren adibide da UNRWAk jasotako saria. 76 urtean... zenbat aldatu den bizitza! Eta, aldi berean, zein gutxi...
