Astea bukatzeko, jaialdi bat antolatu zuten Arrasaten, eta, nahiz eta eguraldiak ez lagundu, arrakastatsua izan zen. Begisareko partaideok bertan parte hartzeko gonbita jaso genuen, eta gustura bertaratu ginen.
Idatzi honekin, Arizmendi ikastolari gure eskerrik beroenak eman nahi dizkiogu, gure arazoarekin interesatzeagatik, gizarteari esateagatik badaudela ikusmen murriztua duten pertsonak, eta arazo hori ezin dela konpondu ez betaurrekoekin eta ezta operazioarekin; horretan datza ikusmen murriztuaren gakoa. Eta uste dugu Arizmendik antolatu duen aste honekin asko lagundu digula gure egoera ezagutarazten. Beraz, mila esker, Arizmendi!
----------
Itsaso Nuin Gonzalez eta Xabier Latorre Etxaniz
Begisare elkartearen izenean
Arrasate
