'Katakrak', 'kin-kan'

Erabiltzailearen aurpegia

Badakigu gustura eta pozik bizitzea pertsona ororen eskubide dugula. Alabaina, gutxiagotasun konplexuak, lotsak, beldurrak... garena ezkutatzera kondenatzen gaitu. Orduan, bizi-iraun. Beste barik. Zoriontsu zerk egiten gaituen ahaztuaz, betidanik gogoko izan ditugun gauzak egiteari utziaz... Eskerrak, halere, beti suertatzen den gertakizun, begirada, abesti politen bat, iluntasun beltz horretan argi izpitxo bat dirdirka.

Orduan, katakrak egiten du gure barrenak. Martxan jartzen da herdoildua zirudien gurpila: kinki, kanka.

Urak gulu-gulu, gur-gur. Eguzki izpiek udaberri aldera ohi dutenez, geure benetako izatea samurki loratuz. Elkar hurbiltzen gu, ordura arte zeren zain egon ote garen galdetuaz, gure kontraesanekin dantzan...

Onena ematear dugula sinistu. Bizitza probestu. Geure zoroaz. Pozik. Zoriontsu. Eta beste katakrak bat, kink-kank. Dilin-dalan kanpai hotsak. Udaberria ate joka dugun garai hauetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.