Inposaketarik ez!

Erabiltzailearen aurpegia

Bilduk 2015erako zehaztu du Zestoan dagoen Osinbeltz harrobian hondakinen zabortegi berria jartzea.

Iragarpen horren harira, hondakinen gaian legealdian zehar Bildu hartzen ari den erabakien izaera ilegala nabarmendu nahi du Gipuzkoako EAJ-PNVk beste behin alde bakartasunetik, Foru Gobernuari ez, baizik eta Gipuzkoako Batzar Nagusiei dagozkien erabakiak iragarriz. Batzar Nagusietan gehiengoa beraiekin bat etortzen ez denez, inposiziora jotzen du ezker abertzaleak.

Gaur egun ditugun adostasun guztiak urratzea dakar azken irtenbide gisa zabortegia planteatzeak. Osinbeltzeko zaborra inertea izango dela esaten dute. Baina beste neurri batzuk ere hartu behar dira, hala nola konpost-fabrikak martxan jartzea, eta baita Zubietako hiri-hondakinak tratatzeko instalazioa ere.

Beste zunda-globo bat besterik ez dugu begien aurrean: legea betetzen ez duena, proposamen demokratikoa ez dena, teknikoki bideragarri ez dena, ezta izapide administratiboko bermeak dituena, ezta denboran egiteko modukoa, eta Europako zuzentarauak betetzen ez dituena. Ezker abertzaleak gipuzkoarrak eraman nahi dituen kale itsu berri bat.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.