Kopla zaharrak dioen bezala, bihar, otsailak 4, Agate Deunaren bezpera dugu eta bai asteburuan zehar eta bereziki bihar, hainbat herri, herrixka eta baserri auzotan Santa Agedaren koplak entzunak izango dira makilaren erritmo hotsarekin; tokian tokiko Santa Agata andre, Santa Ageda, Santa Yageda, Agate Deuna, Santa Eskea deituriko egun honetan, talde batzuk koplariaren bertsoak bat-batean botatakoak errepikatuz eta beste batzuk bi edo hiru ahotsetan kopla zaharrak abestuz. Ohitura antzina-antzinakoa izanik, lehen idazki erreferentzia abesti eta diru biltzeari buruz 1888koa da. Otxandion jaiotako Isidoro Ruiz de Arbulok eginikoa eta Durangoko Tabiran sinatutakoa.
Hau haizearen epela / airean dabil orbela / Etxe hontako jende leialak / gabon Jainkoak diela / Etxeko alaba, non zera? / inon ageri ez zera / Atoz honera ate ondora / gure iluna kentzera / Emango bazu emazu / bestela ezetz esazu / Ate ondoan hotzak hiltzera / amak ez gaitu bialdu / Eskupekoa hartu degu ta / orain abia gaitean / Adiosikan ez degu eta / agur ikusi artean.