Ana eta Joakin

Erabiltzailearen aurpegia
Gabonetan sartuak gara eta, ahal dugun giro alaienean ospatu nahi izaten ditugu.

Argiak eta doinuak non nahi; goizetik haur eta gaztetxo taldeak eta, ilunkeran, nola ez, gizon eta emakumeez osatutako taldeak gabon kantuak abesten, gabon-eskean.. 

Euskal kantutegian, gabon abesti ugari dauzkagu, batzuk Euskal Herri osoan ezagunak diranak eta beste batzuk soilik tokian tokikoak diranak.

Gaur, Arrasateko gabon abesti hau erakarri gura izan dut; herriko nagusienen artean  ezaguna zen galdetuta, ezezkoa jaso nuen, eta beraz, litekeena da herritarren artean guztiz ahaztuta egotea.

Ana eta Joakin izenburuko abesti hau Resurrección María de Azkuek jaso zuen  Mutrikuko Agustinen Lekaimetxean Soledad Altube arrasatearraren eskutik.

Biribilketa da kantuaren doinua, sei bider zortziko konpas alaiean eta Mi maiorrean.

Ana ta Joakin,

Peru ta Martin

goazen zortziko dantzara,

gabo n gabean

zoro eztanda

zororik andiena da.

La ra la ra la ra…

Portala zaharra

loraz beterik

gabon gabaren erdian

marabilea

 jaiotzen dago

Jaungoikoaren semea.

La ra la ra la ra…

Eguberri zoriontsua eta urte berri oparoa guztiontzat!

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.