Esaera zaharrak gure herri nortasunaren, izaeraren, eta egiteko eraren adierazle dira. Herri esperientzian oinarrituta, hausnarketa dute helburu atsotitzek, garai on zein txarretan gure aurrekoen esperientziatik ikasteko.
Egungo egoeran, hemen gure aurrekoen esperientzia positiboan oinarritutako hiru adibide:
-Raxoi-ren murrizketak direla eta, Bizkaiko Foru Aldundiak “pase forala” erabiltzea erabaki du autogobernuaren defentsa aldarrikatuz, IZAN zirenak egiten zuten bezala.
-Mondragon Taldeko zuzendariek elkarlanean jardun dute, kudeaketa arloko gaiei buruz gogoeta egiteko. Jardunaldiaren ardatza: "Enpresa eraldaketa: estrategia eta pertsonak".
-Mondragon Unibertsitateko LEINN (lidergo, ekintzaile eta berrikuntza) graduko bost ikaslek, kooperatiba berri bat bultzatzea erabaki dute KOOPERAKTIBISTA izenarekin. Arrasateko kooperatibismoaren jatorrizko baloreak sustatuta eta aplikatuta, diharduten komunitateetan aberastasun soziala eta lanbideak sortuko dituzte.
Egoera larrietan, IZANa indartsuago eta irudimentsuago bihurtzen da. Ez etsi!