... euskararen erabilera sozialaren esparruan lanean ari diren elkarte, erakunde eta norbanakoentzat argitaratzen dituen diru laguntzen murrizketa iragarri du. Ba al dago Aldundiaren eta Mondraberri-k bere jarduera eteteko erabakien arteko loturarik? Monterroneko lorategian dagoen pankartaren atzean oraindik ikusi ez duguna Martin Garitano da.
Bitartean, Patxi Lopez lehendakariak euskara ikasten dihardu 3 urtez jarraian, herritarron kontura (125.000 euroko kontua); dioenez, ahalegintzen da ikasten nahiz eta pirak egin. Maila motela izan edo ez, datozen hauteskundeetako mitin politikoen diskurtsoak euskaraz irakurriko ditu.
Baina ez gaitezen kezkatu euskaradunok, Etxepare Euskal Institutuak, Madrilen, Euskarari gorazarre jardunaldiak antolatu ditu eta. Humboldt-en euskara Iberiar penintsularen jatorrizko hizkuntza teoria saltzea edota madrildarrak euskalduntzea izango dute, agian, helburutzat.
Hau da markie! Eta gu, euskaldunok, etxeko lanak ein barik! Eskerrak, behintzat, Goiena paperak 500 zenbaki bete dituen! Zorionak, Goiena!